Ральф Рангник «Манчестер Юнайтед»нинг «Уотфорд» (0:0) билан қайд дурангги ҳақида фикр билдирди.

“Биз ҳамма нарсани қилдик, лекин гол ура олмадик. Бундай натижани қабул қилиш қийин. Кўп имкониятларни кўкка совурсангиз, ғалаба қозониш қийин бўлади.

Учрашувнинг катта қисмида ўйиннинг боришини тўлиқ назорат қилдик, рақибга қарши ҳужумга деярли имкон бермадик.

Рақиб дарвозаси олдида ўткирроқ бўлишимиз керак. Бугунгидан кўра кўпроқ имкониятлар яратиш қийин. Бугун жуда ғазабланадиган кун бўлди.

Агар кимдир менга жуда кўп голли вазиятлар яратяпмиз деса, мен бу бизга камида битта ёки иккита гол уришимиз учун етарли, деган бўлардим. Лекин биз буни қилмадик.

Роналду устунга зарба берди...

- Бу бизнинг ягона голли имкониятимиз эмас эди. Биринчи бўлимда бешта, иккинчисида эса яна уч-тўртта вазиятларни қўлдан чиқардик. Бизда ғалаба қозониш учун имкониятлар етарли эди.

Баъзида гол киритиш борасида омадимиз келмаяпти" - деди «Манчестер Юнайтед"нинг германиялик мураббийи.