"Манчестер Сити" бош мураббийи Хосеп Гвардиола Англия чемпионати 27-туридан ўрин олган "Эвертон"га қарши ўйиндан сўнг (1:0) ўз фикрлари билан ўртоқлашди.
"Иккинчи бўлим биринчи бўлимдан анча яхши ўтди. "Гудисон Парк" биз учун ҳар доим ғалаба қозониш жуда қийин бўлган стадионлар қаторига киради.
"Эвертон" ўйин давомида бир неча голли вазиятлар яратди. Йигитларга уларнинг ҳаракатлари яхши эканлигини, гол уриш учун вазият бўлишини айтдим. Биз бу ғалабага лойиқ эдик."
"Эвертон" фойдасига белгиланмаган пенальти ҳақида:
"Ўйиндан ташқари ҳолат бор эди. ВАР тизими ишламоқда, ҳеч қандай саволга ўрин йўқ", - дея қўшимча қилган мураббий.
