"Челси" ҳимоячиси Андреас Кристенсен ёзги трансфер ойнасида жамоани тарк этиши кутилмоқда.
Даниялик футболчининг хизматларига "Бавария" ва Каталониянинг "Барселона" клублари қизиқиш билдирмоқда. Бу ҳақда Mundo Deportivo нашри хабар бермоқда.
Манбага кўра, "Барселона" ҳимоячини қўлга киритиш учун курашда немис жамоасини ортда қолдирган.
Маълумот учун, Кристенсен "аристократлар" тарбияланувчиси бўлиб, 2014 йилдан бери катталар жамоасида ҳаракат қилиб келмоқда.
Англия Премьер-лигасининг бу мавсумида даниялик ҳимоячи 13 та учрашувда қатнашган. Transfermarkt портали ҳимоячини 35 миллион еврога баҳоламоқда.
