Туриннинг "Ювентус" клуби спорт директори Бепе Маротта тез кунларда жамоа бош мураббийи Антонио Конте билан янги шартнома тузилишини айтиб ўтди.
"Конте билан амалдаги шартномани эртагаёқ узайтиришга тайёрмиз. Биз шунчаки мавсум тугашини кутаяпмиз. Мавсум ўз якунига етиши билан Конте билан узоқ муддатли шартнома тузамиз, дейди Маротта.
Антонио ҳеч қаерга кетмайди. У билан бу борада аллақачон суҳбат қурганмиз. Конте бу ердаги футболчилар, мураббийлар ва мухлислар билан яхши тил топиша олди. Қолаверса клубимиз президенти Андреа Аньелли билан ҳам ажойиб муносабатда. "Ювентус"га анчадан бери айнан шундай мураббий етишмаётган эди. У бизнинг келажак лойиҳамизнинг гаранти", дея Мароттанинг сўзларидан иқтибос келтирмоқда Football Italia
