Франция футбол федерацияси президенти Ноэль Ле Гре Россия терма жамоасини Қатарда бўлиб ўтадиган 2022 йилги жаҳон чемпионатида иштирок этиш учун даъвогарлар рўйхатидан чиқариб ташлаш ғоясини қўллаб-қувватлади:
«Бошқа федерациялар раҳбарлари билан бу масалани муҳокама қилмаганман. Менимча, Россияни кейинги жаҳон чемпионатидан четлаштириш керак.
Бу менинг фикрим. Мен одатда спорт одамларни яраштириш ва тарангликни йўқотиш учун керак, деб ўйлайман. Аммо ҳозир бу жуда қийин. Спорт олами, хусусан, футбол олами ҳам бетараф қола олмайди. Албатта, мен Россияни четлаб ўтишга эътироз билдирмайман», — дейди Ноэль.
Аввалроқ Чехия, Польша ва Швеция 2022 йилда Қатарда бўлиб ўтадиган жаҳон чемпионати саралашида Россияга қарши ўйнашдан бош тортгани маълум бўлганди.