«Арсенал» ҳимоячиси Габриэл ҳужумчи Пьер-Эмерик Обамеянг нима учун Лондон клубини тарк этганини айтди.
«Бу у ва мураббийлар штаби ўртасида содир бўлган воқеа, бошқа ўйинчиларнинг бунга ҳеч қандай алоқаси йўқ.
Пьер жамоадан кетаётганда у билан хайрлашдим. Умид қиламанки, у «Барселона»да яхши ўйнайди», - дея Габриэлнинг сўзларини келтирмоқда Daily Mail.
Габон терма жамоасининг 32 ёшли футболчиси эркин агент сифатида Каталония клубига ўтди ва «Арсенал» билан шартномасини муддатидан олдин бузди.
Обамеянгнинг «кўк-анорранглилар» билан шартномаси 2025 йилнинг ёзига қадар амал қилади. Пьер-Эмерик товон пули - 100 миллион евро. Шунингдек, шартномада футболчи 2023 йилнинг 30 июнида клубни тарк этиши мумкинлиги ҳақида банд бор.
