БАА про-лигасининг 18-туридан ўрин олган  учта учрашув кеча бўлиб ўтди. Турнинг марказий учрашувида «Ал-Жазийра» клуби «Аш-Шабоб»ни қабул қилди.

ОЧЛда «Насаф» жой олган гуруҳда етакчилик қилаётган Кайо Жуниор шогирдлари Азиз Ҳайдаров тўп сураётган «Аш-Шабоб» жамоасини ишончли тарзда мағлубиятга учратди – 2:0. Мезбонларнинг голларига Мабхут ва Рикардо Оливейралар муаллифлик қилишди.

Жароҳати боис, укол билан майдонга тушаётгани маълум қилинган ҳамюртимиз Азизбек Ҳайдаров бу сафар учрашувни асосий таркибда бошлади. Бироқ иккинчи бўлим бошида Довуд Алига алмаштирилди.

Шунингдек, кеча яна икки учрашув бўлиб ўтди. «Шабоб»нинг очко йўқотишидан «Ан-Наср» футболчилари фойдалана олишмаган бўлса, «Ал-Аҳлий» Улуғбек Бақоевнинг собиқ жамоаси «Дубай»ни йирик ҳисобда мағлубиятга учратди.

БАА ПРО-ЛИГАСИ
18-тур

АЛ-АҲЛИЙ – ДУБАЙ СК 5:2 (4:2)
Голлар: Юсуф Муҳаммад (8), Графите (18, 34, 90+4) – Луис Хименес (23) – Ҳассан Абдурраҳмон (29), Ҳассан Муҳаммад (37).

БАНИ ЯС – АН-НАСР 2:2 (1:0)
Голлар: Аҳмад али ал-Абрий (32), Андре Сенгор (56) – Лео Лима (55), Али Салим Аҳмад (90).

АЛ-ЖАЗИЙРА – АШ-ШАБОБ 2:0 (0:0)
Голлар: Али Мабхут (48), Рикардо Оливейра (75).

Бугун бўлиб ўтадиган учрашувлар
18:50 ЭМИРЕЙТС  - АЖМОН
18:55 АШ-ШАРЖА – АЛ-ВАҲДА
21:30 АЛ-ВАСЛ – АЛ-АЙН