28 февраль куни Римдаги “Олимпико” стадионида Италия А Сериясининг 27-тур учрашувида “Лацио” ҳамда “Наполи” жамоалари тўқнаш келишди.
Учрашув 2:1 ҳисобида меҳмонларнинг ғалабаси билан якунланди.
"Лацио" бош мураббийи Маурицио Сарри учрашув ҳақида фикр билдирди.
“Биз яхши ўйин кўрсатдик, биринчи бўлимда устунлик қилдик. Иккинчи бўлимда биз бироз ўйинни рақибларга бериб қўйдик ва ўйин охирида гол ўтказиб юбордик. Бугун бизда гол уриш учун имкониятлар кўпроқ бўлди.
Энди бизнинг вазифамиз ишлашда давом этиш ва натижаларимизни яхшилашдир. Натижага эришиш учун ўйинни ўқишни ўрганишимиз керак. Бугун биз яхши ўйнадик ва мағлубиятга лойиқ эмасдик", - деди Сарри.
