“Милан” ҳужумчиси Рафаэль Леау яқин орада Италия клуби билан янги шартнома имзолайди.
"Мен шу ерда қолмоқчиман ва бу клуб тарихининг бир қисми бўлишни хоҳлайман", - дея Леаунинг сўзларидан иқтибос келтирди журналист Николо Скира.
Манбага кўра, "Милан" ва 22 ёшли Леау ўртасида янги шартнома борасидаги музокаралар якуний босқичда. 2024 йилда тугайдиган амалдаги келишув 2026 йилгача узайтирилади. Янги келишувга кўра, Леау йилига 4,5 миллион евро маош олади.
Ҳужумчи жорий мавсум А Сериянинг 23 ўйинида 8 та гол урди ва 4 та голли узатмани амалга оширди.
