"Эвертон" бош мураббийи Френк Лемпард "Манчестер Сити"га қарши ўйиндаги вазиятдан ҳайратда. У ҳакамликдан кескин норози эканини билдирди:
"Бу ерда иккиланиш бўлиши мумкин эмас. "Балки" деган сўзнинг ўзи ноўрин. Ҳакамнинг қарори ўта мантиқсиз эди. VAR бор, улар кўрди. Крис Кавана мум тишлади. Ваҳолангки, вазият унга боғлиқ эди. Ҳакамлар пенальти белгилаш кераклигини биларди. Аммо ундай қилишмади. Биз эса ўйинда ўзимиз лойиқ натижага эришмадик. Адолатсизлик бўлди".
Аввалроқ "Эвертон" АПЛга ҳакамлик борасида расмий норозилик йўллагани ҳақида хабар қилинган эди.
