Аргентиналик Месси ва португалиялик Роналду сермаҳсул ўйини билан Испания чемпионатига кўрк бағишлашмоқда. Бу икки футболчи бир мавсумнинг ўзида 79 та голга муаллифлик қилишмоқда.
Статистлар бу икки гигант футболчининг жамоаларидаги ўрнини ва аҳамиятини рақамлар воситасида ифода этиб беришди. Агар Ла Лигада Месси ва Роналду ўйнашмаганида эди "Валенсия" ҳозир 56 очко билан биринчи ўринни эгаллаб турган бўларди. "Реал Мадрид" 54 очко билан 2-ўринда, "Барселона" эса 50 очко билан 5-ўринга жойлашарди. Мадрид ва Каталония клублари кейинги турларда "Валенсия"нинг очко йўқотишини кутишарди.
