Бразилиялик ярим ҳимоячи Виллиан Европа футболини тарк этди ва ўз ватанининг «Коринтианс» жамоасида ўйнамоқда, бироқ у Қатардаги навбатдаги жаҳон чемпионатида ўйнашни орзу қилади.

- Мен ушбу жаҳон чемпионати ҳақида ўйлайман ва терма жамоадаги сўнгги сўзим ҳали айтилмаган деб ўйлайман. Албатта, ҳозир мен ҳам бор эътиборимни клуб вазифаларига қаратяпман, - дейди Виллиан derby.it сайтига берган интервьюсида.

Илгари Виллиан «Шахтёр», «Анжи», шунингдек, Англиянинг «Челси» ва «Арсенал» каби клубларда тўп сурган. 2011 йилдан буён у Бразилия терма жамоасида ўйнаб, унинг таркибида етмишта ўйин ўтказган. Терма жамоа таркибида тўққизта гол уришга муваффақ бўлди.