«Монако» ярим ҳимоячиси Орельен Тчуамени фаолиятини Испанияда давом эттириши мумкин, деб хабар беради Sport.es.
Кеча испан клуби футболчини сотиб олиш фикридан қайтганлиги айтилганди, аммо манбага кўра, 22 ёшли франциялик футболчи «Барселона»да фаолиятини давом эттиришни истамоқда. Олдинроқ ярим ҳимоячига «Челси», «Ювентус» ва «Манчестер Юнайтед» клублари қизиқиш билдираётгани ҳақида хабарлар тарқалган эди. Француз клуби футболчи учун камида 50 миллион евро талаб қилмоқда.
Жорий мавсумда Тчуамени 29 та ўйинда майдонга тушиб, 1 гол ва 1 голли узатмани амалга оширди. Трансфермаркт портали футболчининг нархини 40 миллион еврога баҳоламоқда.
