«Monako» yarim himoyachisi Orelyen Tchuameni faoliyatini Ispaniyada davom ettirishi mumkin, deb xabar beradi Sport.es.

Kecha ispan klubi futbolchini sotib olish fikridan qaytganligi aytilgandi, ammo manbaga ko‘ra, 22 yoshli fransiyalik futbolchi «Barselona»da faoliyatini davom ettirishni istamoqda. Oldinroq yarim himoyachiga «Chelsi», «Yuventus» va «Manchester Yunayted» klublari qiziqish bildirayotgani haqida xabarlar tarqalgan edi. Fransuz klubi futbolchi uchun kamida 50 million yevro talab qilmoqda.

Joriy mavsumda Tchuameni 29 ta o‘yinda maydonga tushib, 1 gol va 1 golli uzatmani amalga oshirdi. Transfermarkt portali futbolchining narxini 40 million yevroga baholamoqda.