Испания Ла-лигасининг 34-тури доирасидан ўрин олган "Леванте"га қарши сафар учрашувида "Барселона" иродали ғалабага эришди — 1:2.
Кўк-анорранглиларнинг ҳар иккала голига ҳам аргентиналик ҳужумчи Лионель Месси муаллифлик қилди. Шундай қилиб, Месси ўзининг сўнгги ўн ўйинида голлар киритмоқда. Тўғри, у 26-тур доирасидан ўрин олган "Спортинг"га қарпши учрашув қадномасига киритилмаган эди.
Испания Ла-лигасида 32 та учрашувда майдонга тушган Месси 41 та гол муаллифи бўлиб турибди. Месси "Барселона"да Хосеп Гвардиола қўл остида ўйнаган ўйинларида урган голлари сонини 201 тага етказди.
Мессининг жорий мавсумда барча турнирларда урган голлари сони эса 63 тага етди. У мавсум сўнгига қадар яна 5 та гол урса Герд Мюллерга тегишли жаҳон рекорди (67 гол) ни янгилайди. Шунингдек жорий мавсум даомида у 25 марта голларга ассистентлик қилган.
