Англиянинг «Манчестер Юнайтед» клуби Карло Анчелоттини бош мураббийликка таклиф қилиши мумкин.

Инглиз клуби «Реал» мураббийини қисқа муддат учун яхши вариант деб ҳисобламоқда. Италиялик мутахассис Алекс Фергюсон билан яқин муносабатда. Агар «ПСЖ» устози Маурисио Почеттинони жамоага олиб кела олмаса, у ҳолда Фергюсон «Манчестер Юнайтед» раҳбариятига Анчелоттига мурожаат қилишни маслаҳат берган, деб ёзади ESPN. Қайд этилишича, Фергюсоннинг ҳам аргентиналик мураббийга ихлоси жуда баланд.

«Манчестер Юнайтед» Анчелотти қисқа муддатда ажойиб вариант бўлишига ишонмоқда, чунки у Премьер-лига ва Чемпионлар лигасида юлдузли жамоаларда катта тажрибага эга.

«Манчестер Юнайтед» узоқ вақт давомида мураббий тайинлашни маъқул кўрган бўларди, бироқ айрим мутахассислар билан музокараларда қийинчиликлар юзага келди. Почеттинонинг «Реал»га ўтиши мумкинлиги айтилмоқда ва «Аякс» бош мураббийи Эрик тен Хааг «Манчестер Юнайтед» билан ишлаш тўғри қадам эканлигига шубҳа қилмоқда. Яна бир номзод - Испания терма жамоаси устози Луис Энрике. У декабрь ойида бўлиб ўтадиган ЖЧ-2022гача терма жамоани тарк этмаслиги аниқ.

Анчелотти аввалроқ АПЛда «Челси» ва «Эвертон» клубларини бошқарган.