Angliyaning «Manchester Yunayted» klubi Karlo Anchelottini bosh murabbiylikka taklif qilishi mumkin.

Ingliz klubi «Real» murabbiyini qisqa muddat uchun yaxshi variant deb hisoblamoqda. Italiyalik mutaxassis Aleks Fergyuson bilan yaqin munosabatda. Agar «PSJ» ustozi Maurisio Pochettinoni jamoaga olib kela olmasa, u holda Fergyuson «Manchester Yunayted» rahbariyatiga Anchelottiga murojaat qilishni maslahat bergan, deb yozadi ESPN. Qayd etilishicha, Fergyusonning ham argentinalik murabbiyga ixlosi juda baland.

«Manchester Yunayted» Anchelotti qisqa muddatda ajoyib variant bo‘lishiga ishonmoqda, chunki u Premyer-liga va Chempionlar ligasida yulduzli jamoalarda katta tajribaga ega.

«Manchester Yunayted» uzoq vaqt davomida murabbiy tayinlashni ma’qul ko‘rgan bo‘lardi, biroq ayrim mutaxassislar bilan muzokaralarda qiyinchiliklar yuzaga keldi. Pochettinoning «Real»ga o‘tishi mumkinligi aytilmoqda va «Ayaks» bosh murabbiyi Erik ten Xaag «Manchester Yunayted» bilan ishlash to‘g‘ri qadam ekanligiga shubha qilmoqda. Yana bir nomzod - Ispaniya terma jamoasi ustozi Luis Enrike. U dekabr oyida bo‘lib o‘tadigan JCH-2022gacha terma jamoani tark etmasligi aniq.

Anchelotti avvalroq APLda «Chelsi» va «Everton» klublarini boshqargan.