Бугун Андреа Анелли Европа Суперлигасининг янги лойиҳасини тақдим этади.

La Gazzetta dello Sport нашрининг ёзишича, бугун «Ювентус» президенти спорт-иқтисодий конгрессда нутқ сўзлаб, турнирнинг янги лойиҳаси ҳақида гапиради. Дастлабки режага жиддий ўзгартиришлар киритилди.

Ўтган ёзда «Ювентус», «Реал Мадрид» ва «Барселона» Суперлига атрофида шаклланган салбий имиджни ўзгартириш учун Flint ва А22 агентликларига мурожаат қилишди. Асосий муаммо, дастлаб иштирокчилар томонидан таклиф қилинган турнирнинг ёпиқ форматида бўлиши қарор қилинди.

Энди кутилганидек Суперлигада иккита дивизион бўлади ва турнирда жами 20 та жамоа иштирок этади. Шундай қилиб, жамоалар «қуйи» дивизионга тушиб кетади ва яна «юқори» дивизионга чиқади.

Дастлаб Суперлига яратувчилари турнирда 12 та жамоа иштирок этиши, иштирокчилар таркиби ўзгармаслигини маълум қилганди. Жамоатчиликнинг кенг норозилиги туфайли 9 та клуб лойиҳада иштирок этишдан бош тортди. «Барселона», «Реал» ва «Ювентус» лойиҳа устида ишлашда давом этмоқда.

Бугун тақдим этиладиган лойиҳада кўп нарсаларга ойдинлик киритилади.