Bugun Andrea Anelli Yevropa Superligasining yangi loyihasini taqdim etadi.

La Gazzetta dello Sport nashrining yozishicha, bugun «Yuventus» prezidenti sport-iqtisodiy kongressda nutq so‘zlab, turnirning yangi loyihasi haqida gapiradi. Dastlabki rejaga jiddiy o‘zgartirishlar kiritildi.

O‘tgan yozda «Yuventus», «Real Madrid» va «Barselona» Superliga atrofida shakllangan salbiy imidjni o‘zgartirish uchun Flint va A22 agentliklariga murojaat qilishdi. Asosiy muammo, dastlab ishtirokchilar tomonidan taklif qilingan turnirning yopiq formatida bo‘lishi qaror qilindi.

Endi kutilganidek Superligada ikkita divizion bo‘ladi va turnirda jami 20 ta jamoa ishtirok etadi. Shunday qilib, jamoalar «quyi» divizionga tushib ketadi va yana «yuqori» divizionga chiqadi.

Dastlab Superliga yaratuvchilari turnirda 12 ta jamoa ishtirok etishi, ishtirokchilar tarkibi o‘zgarmasligini ma’lum qilgandi. Jamoatchilikning keng noroziligi tufayli 9 ta klub loyihada ishtirok etishdan bosh tortdi. «Barselona», «Real» va «Yuventus» loyiha ustida ishlashda davom etmoqda.

Bugun taqdim etiladigan loyihada ko‘p narsalarga oydinlik kiritiladi.