"Манчестер Юнайтед" ҳимоячиси Рафаэль Варан "Реал"дан кетганидан афсусдами ёки йўқлигини айтди. Эслатиб ўтамиз, франциялик футболчи "қизил иблислар" сафига 2021 йилнинг ёзида "Қироллик клуби"дан 40 миллион евро эвазига келиб қўшилган эди.

“Мен кетганимдан афсусланмайман. Мен учун бу янги вазифа – чўққиларни забт этишда давом этиш, ўзимни қайта кашф этиш, ўзгариш.

Конфорт зонасида қолиш эмас, балки ўзингизни излаш яхши. Мен ўзимни бу ерда яхши ҳис қиляпман. Мавсум бошида муаммоларим бор эди, аммо ҳозир ҳаммаси яхши. Ўзимни тобора эркин ҳис қиляпман. Ҳозирда мен ҳам инглиз тилида бироз яхшироқ гапира бошладим, бундан ташқари жамоадошларим билан танишдим.

Биз мавсумнинг ҳал қилувчи палласига яқинлашмоқдамиз, ҳамма бўлажак синовларга тайёр бўлиши керак", - дея Вараннинг сўзларидан иқтибос келтиради Sport.es.