"Manchester Yunayted" himoyachisi Rafael Varan "Real"dan ketganidan afsusdami yoki yo‘qligini aytdi. Eslatib o‘tamiz, fransiyalik futbolchi "qizil iblislar" safiga 2021 yilning yozida "Qirollik klubi"dan 40 million yevro evaziga kelib qo‘shilgan edi.

“Men ketganimdan afsuslanmayman. Men uchun bu yangi vazifa – cho‘qqilarni zabt etishda davom etish, o‘zimni qayta kashf etish, o‘zgarish.

Konfort zonasida qolish emas, balki o‘zingizni izlash yaxshi. Men o‘zimni bu yerda yaxshi his qilyapman. Mavsum boshida muammolarim bor edi, ammo hozir hammasi yaxshi. O‘zimni tobora erkin his qilyapman. Hozirda men ham ingliz tilida biroz yaxshiroq gapira boshladim, bundan tashqari jamoadoshlarim bilan tanishdim.

Biz mavsumning hal qiluvchi pallasiga yaqinlashmoqdamiz, hamma bo‘lajak sinovlarga tayyor bo‘lishi kerak", - deya Varanning so‘zlaridan iqtibos keltiradi Sport.es.