«Барселона» раҳбарлари Дортмунднинг «Боруссия» клуби ҳужумчиси Эрлин Холанднинг агенти Мино Райола билан бир неча бор учрашишган, деб хабар беради Diario Sport.
Манба берган хабарга кўра, ушбу учрашувлар давомида 21 ёшли норвегиялик футболчини ўз сафига қўшиб олиш учун Каталония клуби Райоланинг яна бир мижози - «Аякс» ҳимоячиси Нуссаир Мазрауини сотиб олиши кераклиги маълум бўлди.
Қайд этилишича, «Барселона» бош мураббийи Хави бу келишувни қўллаб-қувватламоқда. Мураббийнинг фикрича, клуб учун Холанднинг трансфери 2003 йилда «ПСЖ»дан Роналдиньонинг трансфери каби кучли туртки бўлиши мумкин.
Аввалроқ, Хави Мюнхенда Холанд билан учрашгани аввалроқ хабар қилинганди. Ҳужумчи жорий мавсумда 20 та ўйинда 23 та гол ва 6 та голли узатмани амалга оширди. Норвегияликнинг Дортмунд клуби билан шартномаси 2024 йилнинг 30 июнига қадар тузилган.
