Сами Хедира ЖЧ-2014да Бразилия билан ўйиннинг танаффус вақтида Йохим Лёв Германия терма жамоасини қандай шижоатлантирганини ҳақида гапириб берди.
Жаҳон чемпионатининг ярим финал ўйинида немислар Бразилия терма жамоаси устида 7:1 ҳисобида зафар қучганди. Танаффусга немислар 5:0 ҳисобидаги ғалаба билан йўл олганди
"Ўша куни Лёв жуда жиддий эди. Танаффус вақтида у бизга, агар кимдир талабларни пасайтирса ёки 5:0 ҳисоби ҳақида ҳазил қила бошласа, дарҳол бу футболчини захирага олиб, финал ўйинида майдонга туширмаслигини айтди.
У биздан ўйинга жиддий қарашимизни ва Бразилия термасини ҳурмат қилишни сўради. Бундан ҳам кўпроқ бразилиялик мухлислар ва уларнинг мамлакатига ҳурмат қилишимизни талаб қилди, - деди Хедира.
