АПЛнинг ушбу турида ҳаммага маълум ва машҳур бўлган Манчестер дербиси бўлиб ўтади. Football Observatory тадқиқотлар маркази маълумотларига кўра, ушбу клубларнинг қийматини маълум қиламиз.
Унга кўра, айни дамда "шаҳарликлар" таркибининг умумий қиймати 1,08 миллиард еврога баҳоланган. "Қизил иблислар"ники эса 1,02 миллиард еврони ташкил этади.
Бу, ушбу икки клубни дунёдаги энг қиммат таркибларга эга эканини англатади. Фақатгина "ПСЖ" бу борада ушбу ҳамшаҳар жамоаларга озгина рақобат қилиши мумкин. Парижликларнинг бугунги таркиби 939 миллион еврога баҳоланган.
"Манчестер Сити" таркибидаги энг қиммат футболчи Жек Грилиш бўлса (100 миллион фунт), "МЮ"да бу борада Поль Погба етакчидир (90 миллион фунт, 2016 йил).
