«Вильярреал» ярим ҳимоячиси Йереми Пино ёзда бошқа клубга ўтиши мумкин.
Инглиз нашрлари хабарига кўра, 19 ёшли футболчига «Манчестер Сити» қизиқиш билдирмоқда. Футболчининг шартномаси 2024 йилнинг ёзига қадар мўлжалланган. «Вильярреал» ўз футболчисини сотишга қарши эмас, бироқ клуб Пино ортидан 60 миллион евро атрофида фойда олмоқчи.
Аввалроқ, футболчига Мадриднинг «Реал» клуби қизиқиш билдиргани ҳақида ҳам хабарлар тарқалган эди.
Маълумот ўрнида, Пино «Вильярреал» сафида Ла Лига доирасидаги 25 ўйинда майдонга тушиб, 6 гол ва 4 голли узатма муаллифига айланган.