«Ливерпуль» бош мураббийи Юрген Клопп «Вест Хэм» вингери Жаррод Боуэнни мақтади.
Ҳозир 25 ёшда бўлган Боуэн барча мусобақаларда 12 гол ва 11 голли узатма билан фаолиятидаги энг яхши мавсумини ўтказмоқда. Жаррод «Ливерпул»нинг трансфер мақсади деб айтилмоқда.
Бугун бўлиб ўтадиган АПЛ ўйини олдидан Клопп Боуэннинг муваффақияти ҳақида гапириб, ҳақиқатдан ҳам Жарродга қизиқаётганига ишора қилди.
«Боуэн - қандай ўйинчи бўлиб етишди! Ақл бовар қилмас даражада! Биз уни "Халл Сити"да ўйнаётганида кузатгандик ва ўшанда ҳам жуда яхши эди.
Ўйлашимча, кўпчилик унинг бундай ривожланишини кутмаганди. Ажойиб футболчи", - деди Клопп Liverpool Echo билан суҳбатда.
