"Вулверхэмптон" устози Бруну Лаже Адама Траорега "Барселона"га кетиш имкони берилгани ҳақида фикр билдирди. У шундай дейди:
"Якунда, ҳар қандай вазиятда ҳам футболчининг қарорини ҳурмат қилишимиз керак. Ҳа, клуб у билан янги битим борасида музокаралар ўтказди. Ўйлашимча, бир йил бир футболчи билан келишиб олиш учун етарли муддат. Ҳар бир футболчида шахсий режалар бор ва биз уни қўллаб-қувватлашга мажбурмиз".
Эслатиб ўтамиз, Траоре айни дамга қадар каталонияликлар сафида 10 та ўйинда 4 та голда иштирок этишга улгурди.