«Ливерпуль» марказий ҳимоячиси Иброҳим Конате Англия Премьер-лигасидаги жамоаларнинг савияси ҳақида ўз фикрлари билан ўртоқлашди.
«Ҳурмат билан айтадиган бўлсак, Бундеслигада албатта ғалаба қозонишингизни олдиндан биладиган ўйинлар бор. АПЛда ҳеч қачон бундай ишонч бўлмайди - ҳатто охирги ўриндаги жамоага қарши ўйин ҳам худди пешқадам жамоадагидек қийин бўлиши мумкин. Англия чемпионати ҳамма нарсада ҳайратланарли: шиддатлилик, рақобат даражаси, муҳит», - деди франциялик футболчи Sky Sports билан суҳбатда.
22 ёшли Конате ўтган йилнинг ёзида 40 миллион евро эвазига Германиянинг «Лейпциг» жамоасидан «Ливерпул» клубига кўчиб ўтган эди. Англия чемпионатининг жорий мавсумида марказий ҳимоячи 8 марта майдонга тушди.
