Юрген Клопп «Вест Хем» устидан қозонилган ғалабани омадга боғлади.

«Ливерпул» ўз майдонида АПЛнинг 28-турида лондонликларни 1:0 ҳисобида мағлуб этди.

“Бу ўйинни - муҳим ўйинлардан бири сифатида эслаймизми ёки йўқми, билмайман. "Вест Хэм" кўп жиҳатдан яхши эканини биламиз. Биринчи бўлимда уларни бундай вазиятлардан маҳрум қилгандик, аммо танаффусдан сўнг очиқ ўйин бўлди.

Улар тўғридан-тўғри ўйнаш кераклигини тушунашди, биз эса тўп билан яхши муомала қила олмадик. Лекин доимо ижобий натижага эришишга ҳаракат қилиш керак ва мен муваффақиятга эришганимиздан хурсандман.

Агар жамоа унчалик яхши ташкиллаштирилмаган бўлса, иштиёқ билан ҳимояланиш керак ва биз буни уддаладик. Бундай пайтларда биз омадлимиз. Аммо вақти-вақти билан тақдирни васвасага солмай туриб, охирги пайтлардагидек кўп ўйинларда ғалаба қозона олмайсиз.

Шунинг учун мен натижадан мамнунман. Биламан, биз анча яхши ўйнай оламиз, аммо кучли рақибни мағлуб этдик. Уларнинг турнир жадвалида юқори ўринларни эгаллаб, Еврокубоклар учун кураш олиб боришаётгани бежиз эмас», - деди «Ливерпул» бош мураббийи.