«ПСЖ» клуби ҳужумчи Мойсе Кинни ортга қайтаришни истамоқда, деб хабар беради Calciomercato.

Манбага кўра, парижликлар 22 ёшли италиялик учун «Ювентус» билан рақобатлашишга тайёр. Ҳужумчи «Ювентус»да 2023 йилнинг июнь ойи охиригача «Эвертон»дан ижара асосида ўйнайди ва Турин клуби футболчини 28 миллион еврога сотиб олиш ҳуқуқига эга, аммо «ПСЖ» бу суммани кейинги ёзги трансфер ойнасида тўлашга тайёр.

2021/22 йилги мавсумда Кин «Ювентус» сафида 28 та ўйинда майдонга тушиб, 5 та гол ва 1 та голли узатмани амалга оширди.

Кин 2020/21 йилги мавсумда «ПСЖ»да ижара асосида ўйнаган.