Украинадаги кўплаб клублар фаолиятини тўхтатиши мумкин. Бу фикрни хорватларнинг "Ингулец" бош мураббийи ёрдамчиси Младен Бартулович билдирди.
Бартулович Украинадаги ҳозирги вазиятни алам билан қабул қилишини тан олди, чунки у бу мамлакатни ўзининг иккинчи ватани деб билади. Младен 2006 йилда Украина Премьер-лигасига кўчиб ўтган.
"Ўйлайманки, клубимизда ҳаммаси яхши бўлади: бу ёш, амбицияли клуб ва президент бизни қўллаб-қувватлашга интилади. Аммо Украинадаги кўплаб клублар бу урушдан кейин банкрот бўлиши ёки йўқ бўлиб кетиши мумкин", - деди Младен Бартулович The Guardian нашрига берган интервьюсида.
Айни дамда Украина Премьер-лигаси мамлакатда жорий этилган ҳарбий ҳолат туфайли номаълум муддатга тўхтатилди.
