«Атлетико Мадрид» «Ювентус»нинг аргентиналик ҳужумчиси Пауло Дибала учун навбатдаги даъвогарга айланди, деб ёзади журналист Николо Скира ўзининг твиттердаги саҳифасида.

Манбанинг хабарига кўра, «матрасчилар» футболчини ёзда, «Ювентус» билан шартномаси якунига етганидан сўнг, ўз сафига қўшиб олмоқчи. Шундай қилиб, аргентиналик «Атлетико»га текинга ўтиши мумкин.

Аввалроқ, Дибалага «Манчестер Сити», «Барселона», «Интер», «ПСЖ» ва «Челси» клублари ҳам қизиқиш доирасига тушгани ҳақида хабар берилганди.

28 ёшли Дибала жорий мавсумда «Ювентус» сафида барча турнирларда 28 та ўйинда майдонга тушиб, 12 та гол ва 6 та голли узатмани амалга оширди.