«Atletiko Madrid» «Yuventus»ning argentinalik hujumchisi Paulo Dibala uchun navbatdagi da’vogarga aylandi, deb yozadi jurnalist Nikolo Skira o‘zining tvitterdagi sahifasida.
Manbaning xabariga ko‘ra, «matraschilar» futbolchini yozda, «Yuventus» bilan shartnomasi yakuniga yetganidan so‘ng, o‘z safiga qo‘shib olmoqchi. Shunday qilib, argentinalik «Atletiko»ga tekinga o‘tishi mumkin.
Avvalroq, Dibalaga «Manchester Siti», «Barselona», «Inter», «PSJ» va «Chelsi» klublari ham qiziqish doirasiga tushgani haqida xabar berilgandi.
28 yoshli Dibala joriy mavsumda «Yuventus» safida barcha turnirlarda 28 ta o‘yinda maydonga tushib, 12 ta gol va 6 ta golli uzatmani amalga oshirdi.
