Қозоғистоннинг "Актобе" клубининг учта ишқибози 3000 тенге жаримага тортилдилар, дея хабар беради tengrinews.kz.
Уральск шаҳрида 15 апрель куни бўлиб ўтган "Акжайик" ва "Актобе" жамоалари ўртасидаги учрашувнинг иккинчи бўлимида уч нафар оқтўбалик ишқибоз қўлларида машъала билан майдонга югуриб чиқишди. Полициячилар улар билан бироз "қувлашмачоқ" ўйнашларига тўғри келди. Оқибатда ўйин беш дақиқа тўхтаб қолди.
Ушланганларни полиция маҳкамасига олиб кетишга тўғри келди, экспертиза уларнинг енгил мастлик ҳолатида эканликларини кўрсатди. Учала ишқибоз ҳам (80, 88 ва 90 йилларда туғилган) қонун бўйича 3000 тенгедан ортиқ жаримага тортилди.
Уларнинг полицияга тушунтиришлари бўйича, бу билан севимли жамоаларини қўлламоқчи бўлган эканлар. Аммо бу уларнинг севимли жамоасига ёрдам бермади: "Актобе" 0:1 ҳисобида мағлуб бўлди.
