"Манчестер Юнайтед" бош мураббийи Ральф Рангник АПЛнинг 28-тури доирасида "Манчестер Сити"га қарши (1:4) ўйинда жамоанинг ўйинига баҳо берди.
"Ўйлашимча, биз биринчи бўлимни яхши ўтказдик. Биз рақобатбардош кўриндик. Эрта гол ўтказиб юбориш ҳар доим ёқимсиз. Дунёнинг энг кучли жамоаларидан бирига қарши ўйнадик. Бу ўйин эса бизда ҳали кўп иш қилишимиз кераклигини кўрсатди.
Иккинчи бўлимда рақиб тўлиқ устунликка эга бўлди. Улар ўзларининг ҳақиқий даражаларини кўрсатишди. Учинчи гол эса учрашув натижасини ҳал қилди. Иккинчи бўлимда фарқ ҳақиқатан ҳам кўзга ташланди", - дея Рагникнинг сўзларидан иқтибос келтиради BBC.
