«Манчестер Сити»нинг бельгиялик ярим ҳимоячиси Кевин де Брюйне кеча дербини юқори савияда ўтказди.

Кевин дубл қайд этди ва Риёд Маҳрезга ассистентлик қилди. Қайд этиш жоизки, «шаҳарликлар» ярим ҳимоячиси «Манчестер Юнайтед»нинг барча футболчиларидан кўра кўпроқ зарба берди. У асист берди ва гол уриш учун кўплаб вазиятлар яратди. Де Брюйне «қизил иблислар»нинг бешта зарбасига қарши олтита зарба билан жавоб йўллади. У тепган тўпнинг тўрт мартаси аниқ нишонга борди ва бешта голли вазият яратди.

Эслатиб ўтамиз, «шаҳарликлар» якунда «Юнайтед»дан 4:1 ҳисобида устун келишди.