ОЧЛнинг 4-туридан ўрин олган “Насаф” – “Ар-Райан” жамоалари ўртасидага учрашувга қизиқиш ниҳоятда юқори.

Айни пайтда учрашув ўтказиладиган “Марказий” стадионда ўйинга пухта ҳозирлик кўрилмоқда.  Клуб маркетинг бўлимидан олинга маълумотларга кўра, бугун тушдан сўнг “Марказий” стадион кассаларида ушбу учрашув чипталари сотувга чиқарилиши режалаштирилган.

Чипталар уч хил тоифада.  1-тоифа чипталар нархи 7000 сўм қилиб белгиланган ва ушбу тоифадаги  чипта эгаси стадиониннг шарқий ва ғарбий минбаридаги секторларда жойлашган ўриндиқлардан туриб ўйинни кузатиш имкониятига эга бўладилар.  

2-тоифа чипта нархи 5000 сўм. Бу тоифадаги чипталар билан шимолий ва жанубий минбардан туриб учрашувни бевосита кузатиш имконияти мавжуд. Шунингдек, учрашув учун ВИП чипталар ҳам тайёрланган. Ушбу чипта нархи эса 15000 сўмни ташкил этади.

Эслатиб ўтамиз, “Насаф” – “Ар-Райан” учрашувига  18 апрел, чоршанба куни соат 19:30 да “Марказий” стадионда старт берилади.