Польша футбол ассоциацияси (PZPN) ФИФАдан Россия билан бўлиб ўтадиган жаҳон чемпионати саралаш ўйини қолдирилиши ёки бекор қилиниши ҳақида ҳеч қандай маълумот олмаган. Бу ҳақда PZPN ва Польша терма жамоаси матбуот котиби Якуб Квятковски маълум қилди.
Бугун ФИФА Россия - Польша ўйинини июнь ойида ўтказиш вариантини кўриб чиқаётгани ҳақида маълумот пайдо бўлди.
«Бизда ФИФАдан плей-офф ўйинлари ҳақида ҳеч қандай маълумот йўқ», - дейди Квятковский.
Дастлаб россияликлар польшаликлар билан 24 март куни ўйнаши керак эди, бироқ ФИФА ва УЕФА Украинадаги вазият туфайли Россия термаларини халқаро мусобақаларда иштирок этишни тўхтатди. Кейинчалик Россия томон бу қарор устидан Спорт арбитраж судига (CAS) шикоят қилиш ниятида эканлигини эълон қилди.
