Polsha futbol assosiasiyasi (PZPN) FIFAdan Rossiya bilan bo‘lib o‘tadigan jahon chempionati saralash o‘yini qoldirilishi yoki bekor qilinishi haqida hech qanday ma’lumot olmagan. Bu haqda PZPN va Polsha terma jamoasi matbuot kotibi Yakub Kvyatkovski ma’lum qildi.
Bugun FIFA Rossiya - Polsha o‘yinini iyun oyida o‘tkazish variantini ko‘rib chiqayotgani haqida ma’lumot paydo bo‘ldi.
«Bizda FIFAdan pley-off o‘yinlari haqida hech qanday ma’lumot yo‘q», - deydi Kvyatkovskiy.
Dastlab rossiyaliklar polshaliklar bilan 24 mart kuni o‘ynashi kerak edi, biroq FIFA va UYEFA Ukrainadagi vaziyat tufayli Rossiya termalarini xalqaro musobaqalarda ishtirok etishni to‘xtatdi. Keyinchalik Rossiya tomon bu qaror ustidan Sport arbitraj sudiga (CAS) shikoyat qilish niyatida ekanligini e’lon qildi.













