Журналист, футбол шарҳловчиси Даврон Файзиев "Арсенал" бош мураббийи Микель Артета ҳақида фикр билдирди.
"Бошланиши ачинарли кўринсада, Микель Артетанинг "Арсенал" бошқарувидаги иши натижа беришни бошлади. Охирги 10 учрашувда 8 марта ғалаба қайд этилди, фақат бир мағлубият, уям бўлса "Сити"га. Ушбу турдан кейин лондонликлар тўртинчи ўринга чиқиб олишди (Венгердан лайк). Яна "Челси"га нисбатан захирасида бир ўйини бор. Учликка ҳам имконият йўқ эмас. Артета ўшанда ҳаммани тинчлантирганди, ҳаммаси режадагидек кетяпти, деб айтганди. Рост гапирган экан", - деб ёзди Файзиев ўз Telegram саҳифасида.
