“Гамба Осака” ва “Бунёдкор” клублари ўртасидаги учрашувидан олдинги ўтказилган матбуот анжуманининг иккинчи қисмида бош мураббий Масанобу Мацунами ва футболчи Томоказу МиёжиН иштирок этишди.

М.Мацунами: — Эртага бизни қийин ўйин кутиб турибди. Биз бор кучимиз билан ҳаракат қилиб, ижобий натижага эришишга ҳаракат қиламиз.

— Ушбу гуруҳда қайси жамоани фаворит деб ўйлайсиз?
— Бу саволга аниқ жавоб бера олмайман. Мен учун ҳамма жамоалар бир хил.

— Осакадаги ўйинда ҳисоб 1:0 бўлиб турганида “Бунёдкор” ташаббусни қўлга олганди. Кейин эса ҳакам “Бунёдкор” дарвозасига пенальти белгилаб, “Гамба”га ёрдам бериб юборди, деб ўйлайсизми?
— Фикримча, ҳакам ўша вазиятда 11 метрли жарима тўпини тўғри бергилади.

— “Гамба”дек кучли жамоанинг ОЧЛдаги мувафақиятсиз стартига қандай изоҳ берасиз?
— Менинг бошчилигимда ОЧЛ баҳсларини ёмон бошламадик. Барчаси режамиз остида кечмоқда. “Гамба” 2008 йили ОЧЛда ғолиб чиққан ва ушбу мавсумда ОЧЛда яхши натижани қўлга киритишни мақсад қилганмиз.

— Осакада бўлиб ўтган дастлабки ўйинда “Бунёдкор” мағлубиятга учраганига қарамай, чиройли ўйин кўрсатганди. Эртага эса жамоа ўз майдонида ўйнайди. “Бунёдкор”дан яна ҳам кучлироқ ўйн кутяпсизми?
— Осакадаги ўйин ҳақиқатанам ҳам жуда чиройли бўлди. Фикрингизга қўшиламан. Тошкентда бўладиган ўйинга “Бунёдкор” яхшироқ тайёргарлик кўрган ва янаям чиройли ўйин кўрсатади деб ўйлайман.

— Эртага етакчи ҳисобланган Эндо ўйнамайди. У йўқлигида етакчиликни қайси футболчи қўлга олади?
— Биз асосий эътиборни жамоавий ўйинга қаратамиз. Унинг ўрнига айнан қайсидир футболчи қўйилади, деган фикрда эмасман.

— Эртанги ўйинга тайёргарлик қандай бўляпти?
Томоказу Миёжин: — Йигитларда ҳаяжон бор. Машғулотларда мана шу ҳаяжонни йўқотишга ҳаракат қиляпмиз. Шунинг учун ғалабага умид қиляпмиз.