«Бавария» дарвозабони Мануэль Нойер Чемпионлар лигасида 1/8 финал босқичи жавоб учрашуви доирасидаги «Зальцбург»га қарши ўйинда майдонга тушуши мумкин. Бу ҳақда мюнхенликлар бош мураббийи Юлиан Нагелсман маълум қилди.
Қолаверса, Леон Горетцка, Алфонсо Дэвис ва Корентин Толиссонинг ҳам ўйинда қатнашиш эҳтимоли мавжуд. Таъкидланишича, Горетцка ва Толиссо аллақачон индивидуал машғулотларда қатнашмоқда.
Австрияда бўлиб ўтган биринчи ўйинида «Бавария» «Зальцбург»ни мағлуб эта олмади. Учрашув 1:1 ҳисобида якунланган. Жавоб ўйини 8 март куни бўлиб ўтади.
