«Bavariya» darvozaboni Manuel Noyer Chempionlar ligasida 1/8 final bosqichi javob uchrashuvi doirasidagi «Zalsburg»ga qarshi o‘yinda maydonga tushushi mumkin. Bu haqda myunxenliklar bosh murabbiyi Yulian Nagelsman ma’lum qildi.

Qolaversa, Leon Goretska, Alfonso Devis va Korentin Tolissoning ham o‘yinda qatnashish ehtimoli mavjud. Ta’kidlanishicha, Goretska va Tolisso allaqachon individual mashg‘ulotlarda qatnashmoqda.

Avstriyada bo‘lib o‘tgan birinchi o‘yinida «Bavariya» «Zalsburg»ni mag‘lub eta olmadi. Uchrashuv 1:1 hisobida yakunlangan. Javob o‘yini 8 mart kuni bo‘lib o‘tadi.