Роберт Левандовскининг шартномаси келаси ёзда тугайди ва «Бавария» ҳали польшалик ҳужумчига расмий таклиф билан чиққани йўқ
Шу сабаб Левандовскининг клубни тарк этиши ҳақидаги миш-мишлар тобора кучайиб бормоқда. Немис журналистлари Лева кетадиган бўлса, «Бавария» сотиб олиши мумкин бўлган футболчи номини маълум қилди — «Штутгарт» ҳужумчиси Саша Калайжич.
24 ёшли австриялик ҳужумчи ўтган мавсумда 16 гол ва 6 голли узатма билан Бундеслига мухлисларини ҳайратда қолдирди.
Қайд этилишича, футболчига «РБ Лейптциг» ва Дортмунднинг «Боруссия» клублари ҳам қизиқиш билдирган. Бироқ «Штутгарт» раҳбарияти ҳужумчини 30 миллион евродан камига қўйиб юбормасликларини аллақачон маълум қилган.
