Robert Levandovskining shartnomasi kelasi yozda tugaydi va «Bavariya» hali polshalik hujumchiga rasmiy taklif bilan chiqqani yo‘q

Shu sabab Levandovskining klubni tark etishi haqidagi mish-mishlar tobora kuchayib bormoqda. Nemis jurnalistlari Leva ketadigan bo‘lsa, «Bavariya» sotib olishi mumkin bo‘lgan futbolchi nomini ma’lum qildi — «Shtutgart» hujumchisi Sasha Kalayjich.

24 yoshli avstriyalik hujumchi o‘tgan mavsumda 16 gol va 6 golli uzatma bilan Bundesliga muxlislarini hayratda qoldirdi.

Qayd etilishicha, futbolchiga «RB Leyptsig» va Dortmundning «Borussiya» klublari ham qiziqish bildirgan. Biroq «Shtutgart» rahbariyati hujumchini 30 million yevrodan kamiga qo‘yib yubormasliklarini allaqachon ma’lum qilgan.