"Барселона" президенти Хави ва Рональд Куманни солиштирди.
"Ўтган мавсум охирида Куман ҳақида шубҳаларим бор эди, аммо Рональд ишлашни давом эттиришни истади. Афсонани ҳурмат қилганим учун имкон бердим, лекин ҳаммаси яхши эмаслигини кўрдик ва мен уни бўшатишга қарор қабул қилишим керак эди.
Ҳозир ортга назар ташласак, уни эртароқ ишдан озод қилишим кераклигини англаб турибман.
Рональдни “Уэмбли”даги голи ва ёш мураббий бўлгани учун доим хурмат билан эслайман. Агар у мендан хафа бўлса, ўтиб кетади деган умиддаман.
Хави ажойиб ҳаракат қилмоқда. У клубни яхши кўради, уни билади. Ишончим комилки, у кўп йиллар давомида бизнинг мураббийимиз бўлиб, бизга катта қувонч бахш этади”, - дейди Жоан Лапорта.
