"Barselona" prezidenti Xavi va Ronald Kumanni solishtirdi.
"O‘tgan mavsum oxirida Kuman haqida shubhalarim bor edi, ammo Ronald ishlashni davom ettirishni istadi. Afsonani hurmat qilganim uchun imkon berdim, lekin hammasi yaxshi emasligini ko‘rdik va men uni bo‘shatishga qaror qabul qilishim kerak edi.
Hozir ortga nazar tashlasak, uni ertaroq ishdan ozod qilishim kerakligini anglab turibman.
Ronaldni “Uembli”dagi goli va yosh murabbiy bo‘lgani uchun doim xurmat bilan eslayman. Agar u mendan xafa bo‘lsa, o‘tib ketadi degan umiddaman.
Xavi ajoyib harakat qilmoqda. U klubni yaxshi ko‘radi, uni biladi. Ishonchim komilki, u ko‘p yillar davomida bizning murabbiyimiz bo‘lib, bizga katta quvonch baxsh etadi”, - deydi Joan Laporta.
