«Реал Мадрид» бош мураббийи Карло Анчелотти «ПСЖ»га қарши жавоб учрашуви олдидан мухлисларга мурожаат қилди. «Қаймоқранглилар»нинг собиқ ҳимоячиси, ҳозирда Париж клубида тўп тепаётган Серхио Рамос Мадридга келиши мумкин.
Sport.es нашрига берган интервьюсида Карло Анчелотти Рамос билан тез-тез гаплашиб туришини ва уни ўйин давомида кўришдан хурсанд бўлишини айтди.
У Рамосни Мадрид клубида ўйнаган энг яхши футболчилардан бири деб атади.
«Папа Карло» мухлисларга мурожаат қилар экан, мухлислардан Серхио Рамосни илиқ кутиб олишларини сўради, шунингдек, уни ҳақорат қилишга асос йўқлигини таъкидлади.
