Хорватия терма жамоаси ва «Реал Мадрид» ярим ҳимоячиси Лука Модрич дунёдаги вазият ҳақида ўз фикрлари билан ўртоқлашди.

«Буларнинг барчаси ҳамма учун жуда оғир. Умид қиламанки, бу тез орада тугайди, чунки бундан ҳеч кимга фойда йўқ. Мен уруш пайтида катта бўлганман, бунинг фойдаси йўқлигига ишонаман. Кўрганларимдан афсусдаман. Умид қиламанки, сиёсатчилар тўғри йўлни танлайди. Ҳаммаси жуда ёмон», - дея Модричнинг сўзларини келтиради Маrcа.

36 ёшли Модрич жорий мавсумда «Реал» сафида барча турнирларда 31 та ўйинда майдонга тушиб, 3 та гол ва 6 та голли узатмани амалга оширди. Унинг клуб билан шартномаси 2022 йилнинг ёзига қадар мўлжалланган.