Xorvatiya terma jamoasi va «Real Madrid» yarim himoyachisi Luka Modrich dunyodagi vaziyat haqida o‘z fikrlari bilan o‘rtoqlashdi.
«Bularning barchasi hamma uchun juda og‘ir. Umid qilamanki, bu tez orada tugaydi, chunki bundan hech kimga foyda yo‘q. Men urush paytida katta bo‘lganman, buning foydasi yo‘qligiga ishonaman. Ko‘rganlarimdan afsusdaman. Umid qilamanki, siyosatchilar to‘g‘ri yo‘lni tanlaydi. Hammasi juda yomon», - deya Modrichning so‘zlarini keltiradi Marca.
36 yoshli Modrich joriy mavsumda «Real» safida barcha turnirlarda 31 ta o‘yinda maydonga tushib, 3 ta gol va 6 ta golli uzatmani amalga oshirdi. Uning klub bilan shartnomasi 2022 yilning yoziga qadar mo‘ljallangan.
